Басшының алғы сөзі
Құрметті оқытушылар, ата – аналар, студенттер және оқу орнына қызығушылық танытқан жастар, талапкерлер!
Сіздерді Орал жоғары гуманитарлық-экономикалық колледжінің сайтында көргеніме қуаныштымын. Әр адамның кәсіби өсу жолы - мамандық таңдау сәтінен және оқу орнынан басталады. Сонымен қатар, табысты мансап та жақсы білімнен бастау алады.
Біздің мақсатымыз –оқытушылардың шығармашылық потенциалын арттыру, оқытудың инновациялық технологияларын пайдалану, еңбек нарығында әлемдік стандарттар деңгейінде өз мамандығының шебері бола білетін бәсекеге қабілетті, білікті маман дайындау арқылы колледждің оқу-тәрбие үрдісін жетілдіру.
Орал жоғары гуманитарлық-экономикалық колледжі - 1999 жылдан бастап орта буын мамандарын дайындайды. Барлық білім беру бағдарламалары бойынша колледж институционалды және мамандандырылған аккредиттетеуден өтті.
Білім беру қызметтерінің сапасын арттыру мақсатында оқу орны білім үрдісін жүйелі жаңғыртып, жаңа технологияны нәтижелі қолданып, тәжірибеге бағдарланған оқыту моделін жүргізуде біздің оқытушыларымыз - жеке тұлғаның қалыптасуына ұлттық және жалпы адамзаттық құндылықтар беруге бағытталған, ғылым мен тәжірибе жетістіктерін меңгерген жоғары кәсіби мамандар болып табылады. Колледждің оқу – материалдық базасы спорт залы, асхана және акт залымен, кең көлемді кітапхана, оқу дәрісханалары, лабораториялар, шеберханалармен заманауи үлгіде жаңа технологиялармен жабдықталған.
Колледжде тұлғаның шығармашылық қабілетін дамытуға бағытталған мүмкіндіктер толығымен жасалған: көптеген үйірмелер мен факультатив сабақтары, спорт секциялары, әдебиет кештері және т.б. шаралар күнделікті ұйымдастырылып отырады. Колледж студенттері тек қана республикалық көлемдегі шығармалық, спорттық сайыстардың жүлдегерлері емес, сонымен қатар халықаралық дәрижеде өз жетістіктерімен мақтана алады.
Біз білім беру барысында татулық және достық шеңберін құра отырып, әр студентке саналы тәрбие мен сапалы білім беруге тырысамыз.
Сайттағы барлық ақпараттар оның барлық оқырмандарына қызықты да пайдалы болады деп сенемін!
Құрметпен, колледж директоры З.М.Габдуллина