10 желтоқсан күні гуманитарлық пәндер кафедрасының онкүндігінің жоспарына сай ДТіЖ орынбасары, арнайы пәндер оқытушысы  Айман Бахытжанқызы өзінің кураторлық жетекшілік ететін  «Құқықтану» мамандығын 801 /9/а тобына «Желтоқсан жаңғырығы жадымызда »- атты ашық тәрбие сағатын өткізді.
Мақсаты: Еліміздің тәуелсіздік алу жолындағы ата — бабаларымыздың ерлігін паш ету, білім алушыларға желтоқсан құрбандарымен, желтоқсан оқиғасына қатысқан аға — апалардың ерлігін үлгі етіп көрсету. Оқушылардың туған өлкемізге деген сүйіспеншілігін, сезімдерін ояту. Елін, жерін сүюге, Отанын қастерлеуге, шыншылдыққа тәрбиелеу. Тәрбие сағаты барысында тәуелсіздік туралы бейне баян көрсетілді. Топ студенттері тәуелсіздік туралы өлең жолдарын жатқа айтып, би биледі. «Ой толғау»  сұрақ - жауап турында студенттер әр түрлі сұрақтарға жауап берді 16 желтоқсан құрбаны Қайрат Рысқұлбековтың соңғы сөзінен әсерлі көріністе көрсетті. Тәрбие сағатын «Мен Қазақпын» әсем әнімен  әдемі қортындылады.