18 қазан  күні  топ кураторы З.М. Габдуллинаның ұйымдастыруымен 25 қазан Республика күніне орай «Дене шынықтыру және спорт» мамандығы студенттері арасында 431/9/а және 421/9/а топтарына арналған «Менің елім-Қазақстан» атты интелектуалдық сайыс, тәрбиелік танымдық шара оздырылды. Шарада екі топ өзара сайысқа түсті. Сайыс барысында түрлі интелектуалдық ойын, сұрақтар қарастырылды. Топтар белсене қатысып, қызығушылықпен ойынға қатысты.  Нәтижесінде «Жалын» 431/9/а тобы оқ бойы оза шауып, қарсыласынан басым түсті. Жеңіске жеткен топтарды алғыс хат және кубокпен марапаттады 

Орал қаласы Амангелді ауылында оздырылған тазы жарысының іріктеу кезіңінде "Бас жүлдеге" ие болып, Республикалық "Асыл қазына" федерациясының ұйымдастыруымен елордамыз Астана төрінде өткізілген тазы жарысында колледжіміздің «Қазақ тілі мен әдебиеті мұғалімі» мамандығының 201(9)а тобының білім алушысы Шаки Бекарыс бақ сынап келді. Бекарыс Батыс Қазақстан облысының намысын қорғап, республикалық тазы жарысына жолдама алған облыс бойынша жалғыз саятшы.  Аталған білім алушымыз  ата салтын ұстанып, көнерген дәстүрдің жаңаруына үлес қосып жүрген жас бапкер. Мектеп кезінен өзінің жаны қалаған ісімен айналысып, облыстық, республикалық тазылар жарысына қатысып, жүлделі орындарға ие болып жүр. Бекарыстың тазысы "Кермарал", қазақтың құмай тазысы. Тазысын өзі баптап, жарыстарға алып шығады.  Көнерген  салттың дамуына  үлес қосып жүрген жас саятшыға  жүлделі орындарды иеленіп, тазысының жүйріктігі бәсеңдемесін деген тілектеміз!  Аталған жеңісімен құттықтаймыз! Сирек дәстүрді жаңартып, ұлттық құндылығымызды ұлықтап жүрген Бекарысты мақтан тұтамыз!