22 қыркүйек күні еліміздің елеулі мерекелерінің бірі - Қазақстан Республикасы халықтарының тілдері күні мерекесіне орай колледжімізде 201(9)а,ә топтарының кураторы Маренова Альбина Нуржанқызының ұйымдастыруымен «Тіл – біздің тұтастығымыз» атты іс-шара өткізілді.

 Шара барысында оқушылар тіл туралы баяндама оқып, тілдік саясат, тілдің бүгінгі ахуалы жайлы пікір алмасты.Оқушылардың тілге деген сүйіспеншілігін, патриоттық рухын көтеру, шығармашылық қабілеттерін арттыру мақсатында ұйымдастырылған болатын.Тіл туралы ұлағатты адамдардың нақыл сөздері тыңдалды.Студенттер шараға белсенді қатысып, мәнерлеп жатқа өлең оқу қабілеттері мен дарындарын ортаға салды.

Көптілділікті, тілдердің үштұғырлығын насихаттау мақсатында студенттер Қазақстанда тұратын басқа халықтардың тілдері туралы қызықты ақпараттармен бөлісті. Іс-шара өте қызықты өтіп, тәрбиелік және танымдық маңызы зор болды.