2021 жылдың 24 ақпан күні Орал гуманитарлық колледжінде «Жаңаша оқыту және білім берудегі жаңа трендтер» тақырыбындағы мектеп мұғалімдері мен балабақша тәрбиешілеріне арналған озық педагогикалық онлайн семинар оздырылды. Семинардың мақсаты: БҚО мектеп және мектепке дейінгі ұйымдардың педагогтарына қашықтықтан оқыту жағдайында әдістемелік қолдау көрсету. Онлайн семинар Google Meet платформасында және YouTube видеохостингінде тікелей эфирде ұйымдастырылды. Семинарға барлығы 400- ден астам өтініш түсіп, БҚО бойынша педагогтер қатынасты. Семинарды коледж директоры, география ғылымдарының магистрі Габдуллина Зухра Миндвайевна ашып, қатысушыларға сәттілік тіледі. Семинар спикерлері ретінде колледж оқытушылары, «Өрлеу» БАҰО АҚ БҚО филиалы ПҚБАИ тренерлері, Назарбаев зиаткерлік мектептерінің мұғалімдері, онлайн платформалар өкілдері, КЕАҚ Л.Н.Гумилев атындағы Еуразия Ұлттық Университеті оқытушылары, Н.Келімбетов атындағы Түркітану орталығы қызметкерлері және білікті ұстаздар қатынасты. Семинар қорытындысы бойынша, тыңдаушыларға «Online Test Pad» қосымшасы арқылы тесттер беріліп, шекті деңгейден жоғары балл алған 98- мектеп мұғалімдері мен 206 мектепке дейінгі ұйымдардың педагогтері сертификат иеленді. Семинар аясында колледж серіктесі Уфа көпсалалы-кәсіптік колледжінің оқытушылары да қатынасып, өз тәжірибелерімен бөлісті. Семнар соңында Орал гуманитарлық колледжі әріптестік аясында Орал қаласы №50 ЖОББМ, «Бөбек» жеке бөбекжайы, Қазақстандық үздіксіз білім беру қауымдастығы жеке кәсіпкерлер мен заңды тұлғалар бірлестігімен және № 13 "Золотой ключик" бөбекжайы МКҚК-мен ынтымақтастық туралы меморандумдарға отырды.