Дүниежүзілік көшпенділер ойындарында теңге ілуден «Бес белес» стилінен алтын жүлде алған студентіміз Бекнұр Серіков, колледж білім алушыларына тағылымды да танымды сұхбат берді. Бекнұр, қазақ десе жанын беретін, ат десе ішкен асын жерге қоятын , нағыз батыл да намысшыл бала. Ой толғауы , сөз саптауы , көзқарасы мен құлшынысы ерек жан. « Кішкентайымнан атқа құмар болып өстім, үйден қант, сәбізді анама өзім жеймін деп алып кетіп бәрін атқа беретінмін.Атта тіл жоқ болғанымен барлығын түсінетін ақылды жануар. Аттың тілін түсіне білу қажет. Қазақ пен жылқы пара-пар ұғым екеуін бөліп , жара алмаймыз. Спорт жалпы менің сүйікті ісім, ал білім бастысы. Теңге ілуде барлық күш атқа түседі,100% еңбектің 70%-ы атқа тиесілі. Сондықтан атқа кез келген адам отыра бермейді. Оған үлкен күш керек, жігер керек’’
Жігітте де жігіт бар,
Азаматы бір бөлек,
Жылқыда да жылқы бар,
Қазан аты бір бөлек дегендей азаматы бөлек, атқамінерлер көп болғай. Жалынды жастарымыз жарқырап жана бергей.