2022 жылдың 4 қазан  күні  жоспарға сай ДТІЖО А.Бахытжанқызының ұйымдастыруымен колледж  студенттерімен ҚР Сыбайлас жемқорлыққа қарсы мәдениетті қалыптастыру мақсатында кездесу ұйымдастырды. Кездесуге ҚР Сыбайлас жемқорлыққа қарсы іс-қимыл агенттігінің БҚО бойынша департаментінің бас маманы Жумабаева Динара Нұрланқызы қатысты.
Кездесу барысында білім беру саласындағы сыбайлас жемқорлыққа қарсы іс-қимыл мәселелері талқылады. Сыбайлас жемқорлықты жоюдың маңызды факторы сыбайлас жемқорлыққа қарсы білім беру және жастарды тәрбиелеу, қоғамда сыбайлас жемқорлықтың кез келген көрінісіне мүлдем төзбеушілікті қалыптастыру, сондай-ақ құқықтық сауаттылығын арттыру болып табылатыны түсіндірілді. Ақпараттық-консультациялық қолдау көрсететін сыбайлас жемқорлыққа қарсы іс – қимыл агенттігінің «1424» колл-орталығының қызметі туралы айтып берді. Студенттер өздерінің пікірлері мен түсініктерін айтып, өздерін толғандырған сұрақтарға маманнан жауаптарын да алды.