. Бүгін Орал қалалық кітапханасы Өнер бөлімінің ұйымдастыруымен 18 мамыр – Халықаралық музей күніне орай «Мұражай – заман айнасы» танымдық саяхат сағаты өтті. Мақсаты: оқырмандарды музей әлемімен таныстыру; музейдің мәдениет пен тарихнамадағы маңызын насихаттау.

Орал жоғары гуманитарлық-экономикалық колледжінің  101/9/а,ә «Бастауыш білім беру мұғалімі» 201/9/а,ә «Қазақ тілі мен әдебиеті мұғалімі» ,421/9/б “Дене тәрбиесі мұғалімі” мамандықтарының топ студенттері атаулы күннің шығу тарихымен, музейдің адамзат мәдениеті пен ұлттық құндылықтарды сақтаудағы маңызы, әрбір адамның интеллектуалды өсуіндегі рөлімен танысты. Сондай-ақ Қазақстандағы ең үздік 5 музей, әлемдегі ерекше, ғажайып музейлер туралы бейнематериалды тамашалап, еліміздің бас музейі ҚР Ұлттық музейіне онлайн саяхат жасады.

Шара соңында өлкеміздің тарихы мен мәдениетінің рухани ордасы болып отырған облыстық тарихи-өлкетану музейі, М.Мәметова атындағы мемореалдық музей, Табиғат және экология музейі, Рухани жаңғыру музейі, Е.Пугачев атындағы музей үйіне жеке-жеке тоқталып, шолу жасалды.Топ жетекшілері: А.Мукатаева, М.Исмагулова