26.12.2023. Орал жоғары гуманитарлық-экономикалық колледжінің оқу залында «Оқуға құштар колледж» жобасы аясында кітап оқудың маңыздылығын насихаттап, жастарды оқуға тарту, кітаптың құндылығын ұғындыру, кітап оқу дәстүрін қайта жаңғырту, оқырмандардың жан дүниесінде рухани ізгілікті қалыптастыру мақсатында «Мен оқыған бір кітап» атты буккросинг
ұйымдастырылды. Шарада қазақ прозасына өзгеше өрнек, ғажайып сыр-сипат әкелген көрнекті қазақ жазушысы, балалар әдебиетінің классигі Бердібек Соқпақбаевтың «Менің атым Қожа » атты повесі ұсынылды. Шараға Орал жоғары гуманитарлық –экономикалық колледжінің «Бастауыш білім беру» мамандығының 1-курс студенттері қатысты.
Шара барысында жазушының өмірі мен шығармашылығын «Бастауыш білім беру» мамандығының 1 курс студенті Төлеуқызы Аружан баяндады. «Менің атым Қожа» фильмінен үзінді көрсетілді. Шығарма бойынша сұрақтар қойылып, оқырмандар өз ойларын ортаға салып, өз пікірлерімен бөлісіп белсенділік танытты.