Ағымдағы жылдың 25 қараша күні  «Орал жоғары гуманитарлық-экономикалық колледжі» және Ресей Федерациясы, Башқұртстан Республикасы Білім және ғылым министрлігі  «Уфа көпсалалы кәсіптік колледжі» бірігіп, «Babу Skills» чемпионаты аясында, «Мектепке дейінгі тәрбие және оқыту» мамандығының студенттері мен мектепке дейінгі ұйымдардың тәрбиешілеріне арналған «Мектепке дейінгі тәрбие мен білім беру жүйесіндегі заманауи әдістер» тақырыбында халықаралық онлайн семинар өтті.

Семинардың мақсаты: мектепке дейінгі ұйымдарда білім беру процесін жалпы білім берудің жаңа үлгілік бағдарламасына сәйкес жобалауды, білім беру мазмұнын тиімді жүзеге асыруды, педагогикалық қызметті құрылымдауды,   инновациялық әдістер мен технологияларын қолдану бойынша отандық және шетелдік ең үздік үлгілерді зерделеу  мәселелерін насихаттау.

Спикерлер: Мектепке дейінгі ұйымдардың жоғары санатты педагогтары, ҚР ЖОО оқытушылары, ТжКББ ұйымдарының арнайы пән оқытушылары және алыс-жақын шет ел педагогтары мен ғалымдары (бағдарлама қосымша жіберіледі).

Семинарға Google Meet қосымшасы арқылы 200-ге жуық тыңдаушы қатысса, тікелей эфирде 200-ға жуық тыңдаушы қосылды. Семинар аяқталған соң тыңдаушыларға «Online Test Pad» платформасы арқылы тест беріліп, жақсы нәтиже көрсеткен қатысушыларға жедел  түрде сертификаттар табысталады. Барлық сертификат иленушілер саны – 306 адам.