Орал қалалық кітапханалар жүйесінің оқу залы бөлімі  қазақтың әйгілі жазушысы, қоғам қайраткері, Қазақ КСР Ғылым академиясының академигі, филология ғылымының тұңғыш докторы, профессор, Қазақ КСР - ның еңбек сіңірген ғылым қайраткері Мұхтар Әуезовтің туғанына 125 жыл мерейтойына орай колледжіміздің  "Мектепке дейінгі білім беру тәрбие мен оқыту" «Бастауыш білім беру» мамандығының білім алушыларына Мұхтар Омарханұлы Әуезовтің өмірі мен шығармашылығын таныстыру, ұлылардың өмірінен үлгі алуға баулу, шығармашылық танымдарын толықтыру мақсатында "Ұлттық рухты оятқан қаламгер"атты әдеби портрет шарасын өткізді. «Абай жолындай» тамаша туындыны дүниеге әкеліп, жер-жаһанға қазақтың қасиетті болмысын, асқақ мәдениетін, терең философиясын Абайдай кемеңгер тұлға арқылы ашып берген Мұхтар Әуезовтің қаншама уақыт өтсе де маңыздылығын жоймайтын  өшпес еңбектерінен әлі талай ұрпақ жігерін жанып, баба сөзінен тамыр жайып, болашаққа бой түзері анық. Шара соңында кітап көрмесіне библиографиялық шолу жүргізілді. Кітапханашы: А.Х. Сахметова