Ағымдағы жылдың 26 қараша күні колледж базасында «BabySkills» облыстық чемпионаты өткізілді. BabySkills  - мектепке дейінгі білім беру ұйымдары тәрбиеленушілері мен техникалық және кәсіптік білім беру ұйымдарының  білім алушылары "Мектепке дейінгі тәрбие R4"(Жас кәсіпқойлар чемпионаты) құзыреттілігін дамыту шеңберінде WorldSkills Kazakhstan стандарттарын ескере отырып, ұйымдастырылатын чемпионат. Ұйымдастырушы – Орал жоғары гуманитарлық-экономикалық колледжі

Чемпионатты өткізу мақсаты – мектепке дейінгі балаларды ерте кәсіптік бағдарлау бойынша кәсіби дағдыларға баулу, мектеп жасына дейінгі дарынды балаларды анықтау және қолдау.

2.2. Чемпионаттың міндеттері:

- МДББҰ тәрбиеленушілерінде нақты кәсіби жағдайларда міндеттерді практикалық шешу дағдыларын дамыту;

- кәсіби жағдайларға жақын қызмет түрлерінде өзіндік жұмыс дағдыларын жетілдіру;

- мамандық туралы алғашқы түсініктерді бекіту, болашақ мамандықтарын таңдауға қызығушылықтарын ояту;

- ерте кәсіби бағдар беру міндеттерін жүзеге асыру бойынша МДББҰ және ТжКББҰ қызметкерлерінің педагогикалық шеберлік деңгейін арттыру.

Чемпионат барлық санитарлық талаптарды сақтай отырып төмендегі құзыреттіліктер бойынша ұйымдастырылды:

- Мектеп жасына дейінгі ұйымдар тәрбиешісі (5+);

- Дене шынықтыру және спорт (5+);

- Кондитерлік іс (5+);

- Киім және аксессуарлар дизайны (5+);

- Бастауыш сыныптарда сабақ беру (5+).

- Заңгерлік іс (5+)

Чемпионатқа Орал гуманитарлық-техникалық колледжі, Орал сервис технологиялық колледжі, Ж.Досмұхамедов атындағы жоғары педагогикалық колледж, Орал жоғары көпсалалы «Болашақ» колледжі, Батыс Қазақстан жоғары инженерлік-технологиялық колледжі командалары қатынасты.

Жеңімпаздар дипломдармен және медальдармен марапатталса, техникалық делегаттарға алғыс хаттар табысталды.