2023 жылдың 14 желтоқсан күні Батыс Қазақстан Білім басқармасының, Орал жоғары гуманитарлық-экономикалық колледжінің ұйымдастыруымен «Amanat» концерт залында Қазақстан Республикасының Тәуелсіздік күніне арналған «Этносаралық бірлік» атты облыстық патриоттық фестивалі оздырылды.

Фестивальге барлығы 32 техникалық және кәсіптік білім беру ұйымдарының білім алушылары қатысты.

Студенттік ортада патриоттықты және Қазақстанның болашағы үшін азаматтық жауапкершілікті көтеру мақсатында өткізілген фестиваль аясында жоғары әлеуметтік белсенділікті, азаматтық жауапкершілікті, жастардың рухын дамыту, дарынды студенттерді анықтау және ынталандыру, әлеуметтік маңызды мәселелерді шешуде студенттік бастамаларды қолдау, студенттер арасында шығармашылық мүмкіндіктер мен мәдени алмасуларды жүзеге асыру мақсаттары мен міндеттері көрініс тапты.

Шараның шымылдығын алғаш болып Батыс Қазақстан облысы Білім басқарма басшысының орынбасары Л.Батыргалиева ашып, барша жиылған көрерменді мерекемен құттықтап, фестиваль жұмысына сәттілік тіледі. Сонымен қатар, білім алушылардың өр рухты, талапты болуына жол сілтей отырып, ерінбей еңбек етуге шақырды. Өз кезегінде, БҚО әкімдігі қоғам даму басқармасы Этносаралық қарым-қатынастар бөлімі, БҚО «Бірлік» Әзірбайжан мәдени-ағарту қоғамы» қоғамдық бірлестігі төрағасының орынбасары Э.Джаналиев сөз алып, барлық қатысуышлардың Тәуелсіздік күнімен құттықтай отырып, шараның мән-мағынасы патриоттық тәрбие беруде орасан зор екендігін тілге тиек етті. Орал жоғары гуманитарлық-экономикалық колледжінің директоры З.Габдуллина фестивальге қатысып жатырған білім алушыларға өз алғысын білдіре отырып, шараның өзектілігі туралы өз ойын білдірді. БҚО Білім басқармасының техникалық және кәсіптік білім бөлімінің бас маманы З.Гумарова ұлық мереке қарсаңында өңіріміздегі техникалық және кәсіптік білім беру ұйымдарының білім саласындағы маңызды жаңалықтарымен және жетістіктермен бөлісе отырып, білім беру жүйесін дамыту ісіне елеулі үлес қосқан бірнеше педагогке Білім басқармасының басшысы А.Ә.Мыңбаеваның атынан Алғыс хаттармен марапаттады.

Шара барысында, колледж студенттері әр ұлттың әндері мен билерінен өз өнерлерін нақышына келтіре отырып орындап, бар өнерлерін ортаға салды. Әуелеген ән, мың бұралған би, күмбірлеген домбыра дауысы барша көрерменді тәнті етті. Сондай-ақ, фестиваль аясында бір шаңырақ астында тату өмір сүріп жатырған ұлттардың қол өнері, ұлттық киімдері, тағамдарынан көрме ұйымдастырды. Көрменің төрінен қазақи киіз үй тігіліп, ішін бес қару, тұнып тұрған тарихқа толы қол өнер бұйымдарымен жабдықталды. Киіз үй ішінде қазақтың қара домбырасымен ән салып, барша көрермендерді әсіресі білім алушыларды тамаша көрініспен тәнті етті.

Шара соңында барлық қатысуышлар естелік суреттерге түсіп, ерекше көңіл-күймен тарқасты.

Ұйымдастырушы ДТЖЖО А.Бахытжанқызы және «Студенттік парламент»