Жетістік жолында
Басшының алғы сөзі
Құрметті оқытушылар, ата – аналар, студенттер және оқу орнына қызығушылық танытқан жастар, талапкерлер!
Сіздерді Орал жоғары гуманитарлық-экономикалық колледжінің сайтында көргеніме қуаныштымын. Әр адамның кәсіби өсу жолы - мамандық таңдау сәтінен және оқу орнынан басталады. Сонымен қатар, табысты мансап та жақсы білімнен бастау алады.
Біздің мақсатымыз –оқытушылардың шығармашылық потенциалын арттыру, оқытудың инновациялық технологияларын пайдалану, еңбек нарығында әлемдік стандарттар деңгейінде өз мамандығының шебері бола білетін бәсекеге қабілетті, білікті маман дайындау арқылы колледждің оқу-тәрбие үрдісін жетілдіру.
Колледж миссиясы
Колледж көрінісі - 2025 жылға дейінгі Қазақстандағы білім беруді дамытудың стратегиясына сәйкес Орал гуманитарлық колледжі Батыс Қазақстан облысының техникалық және кәсіптік білім беру саласының нәтижелі орталығы болуды мақсат тұтады.
Колледж миссиясы – кәсіби жоғары және әлеуметтік табысты тұлға қалыптастыру, сапалы білім қызметін ұсыну мен еңбек нарығында сұранысқа ие мамандардың дайындық деңгейін арттыру.
Колледждің мақсаты – оқу-тәрбие процестерін жетілдіру, оқу түрін, мерзімін, мазмұнын таңдауда зор мүмкіндіктер жасай отырып, қоғамның, мемлекеттің және тұлғаның сапалы білім алудағы сұранысын қанағаттандыру.
Колледждің басты міндеті – мамандарды даярлау сапасын жетілдіру және түлектердің еңбек нарығында бәсекеге қабілеттілігін қамтамасыз ету.
